Nga data 28 nëntor deri më 30 nëntor, në Zagreb-Kroaci, është mbajtur Konferenca e Rrjetit të Evropës Juglindore të Mekanizmave Kombëtar për Parandalimin e Torturës, me temën “10 vjetori i Protokollit Opcional për parandalimin e torturës dhe implementimi i Rregullave të Mendelës (Mandela Rules) si dhe roli i MKPT-ve për mbrojtjen e të drejtave të refugjatëve dhe imigrantëve”.

Në këtë Konferencë, në të cilën IAP u përfaqësua nga znj. Shqipe Ibraj Mala, zëvendëse e Avokatit të Popullit, morën pjesë Ombudsmanë dhe përfaqësuesë të MKPT-së të Austrisë, Malit të Zi, Serbisë, Sllovenisë, Bosnjës dhe Hercegovinës, Bullgarisë, Hungarisë, Shqipërisë, Maqedonisë, Rumanisë, Greqisë si dhe përfaqësuesit e Rrjetit të Mekanizmave Kombëtar të Evropës Juglindore, OSBE-së, Institutit Ludwig Boltzmann dhe Këshillit të Evropës.

Punimet e Konferencës u zhvilluan në tri grupe punuese, duke ndarë përvojat për të gjetur mundësitë e bashkëpunimit të mëtejshëm në fushat:

• Fuqizimi i implementimit të rekomandimeve të MKPT-ve dhe përcjelljen e tyre,
• Implementimi i Rregullave të Nelson Mandelës (UN Mandela Rules)
• Roli i MKPT-ve në mbrojtjen e Refugjatëve dhe Migrantëve.

Nga Konferenca dolën konkluzione dhe rekomandime konkrete, të cilat, pasi të finalizohen edhe teknikisht, do t’u përcillen institucioneve përkatëse.