Avokati i Popullit, z. Sami Kurteshi mori pjesë në takimin me temën “ Sfidat kryesore për Ombudsmanët në shekullin 21”, organizuar me 12-13 mars 2013 në Varshavë me rastin e kryesimit nga Polonia të Visegrad Group (V4)
Këmbimi i eksperiencave mes V4, Rrjetit të Ekspertëve të Ballkanit Perëndimor dhe Mbrojtësve të të Drejtave të Njeriut lidhur me respektimin e këtyre të drejtave si kriter kyç i anëtarësimit në Bashkimin Evropian, si dhe sfidat e reja në këtë drejtim kanë qenë temë diskutimi të ekspertëve të mbledhur në këtë takim.
Theksi është vënë në sfidat kryesore me të cilat ballafaqohen ombudspersonët e regjionit, si dhe në nevojën e përshtatjes së mandatit që institucionet mbrojtëse të të drejtave të njeriut duhet të kenë në raport me ndryshimet në shoqëri. Në këtë drejtim bashkëpunimi dhe ndërtimi i një platforme moderne ndërkombëtare është i domosdoshëm, u tha gjatë takimit të Varshavës, i cili u organizua nën përkujdesjen e Ministrit të Punëve të Jashtme të Polonisë dhe komisioneres për Mbrojtjen e të Drejtave Civile në Poloni.