22 maj 2013 – Avokati i Popullit, z. Sami Kurteshi vizitoi Shoqatën e të Verbërve të Kosovës, me ç’rast është takuar me drejtuesit e kësaj shoqate.
Gjatë takimit u bisedua për vështirësitë dhe kërkesat që kanë të verbërit në Kosovë . Në mënyrë të veçantë u theksua mos zbatimi i ligjeve dhe nevoja e harmonizimit dhe përshtatjes së ligjeve me nevojat dhe specifikat që kanë kategoritë e ndryshme të personave me aftësi të kufizuar. Gjithashtu, u shpreh gatishmëria e dyanshme e bashkëpunimit, për të ofruar qasje më të madhe të personave të verbër në informacionet dhe aktivitetet e Institucionin e Avokatit të Popullit (IAP) , si dhe në jetën institucionale e publike në përgjithësi.