Një delegacion i OSBE-së, i udhëhequr nga Sekretari i përgjithshëm ambasadori Marc Perrin de Brichambaout, ka vizituar sot zyrat kryesore të institucionit të Ombudspersonit në Prishtinë.
Gjatë përmbledhjes së mandatit dhe aktiviteteve të institucionit, Ushtryuesi i detyrës së Ombudspersonit z, Hilmi Jashari dhe zv/Ombudspersoni Ljubinko Todorović janë përqendruar kryesisht në sfidat me të cilat ballafaqohet Institucioni i Ombudspersonit aktualisht.
´Edhe pse gëzojmë respekt tek të gjitha komunitetet në Kosovë për rolin tanë për mbrojtjen dhe promovimin e të drejtave dhe lirive të njeriut, vonesat për emërimin e Ombudspersonit dhe miratimin e ligjit vendor mbi Institucionin po e vështirësojne këtë rol´ tha z. Jashari gjatë takimit.
Sekretari i përgjithshëm e rikonfirmoi përkushtimin e vazhdueshëm për mbështetje ndaj Institucionit të Ombudspersonit. ´Raporti i fundit vjetor është dëshmi për sferën e punës dhe të arriturat e Institucionit´ tha ai. ´OSBE-ja mbetet e përkushtuar për të mbështetur rolin e rëndësishëm të Institucionit në çdo mënyrë të mundshme´.
Pjesmarrësit në takimin e sotshëm erdhën në përfundim se Kuvendi i Kosovës do të ndihmonte duke siguruar vazhdimin e pavarësisë dhe qëndrueshmërisë financiare të Institucionit tw Ombudspersonit.