Prishtinë, 1 qershor 2026 – Me rastin e Ditës Ndërkombëtare të Fëmijëve, Institucioni i Avokatit të Popullit riafirmon përkushtimin e tij për mbrojtjen dhe promovimin e të drejtave të çdo fëmije në Kosovë.

Çdo fëmijë ka të drejtë të jetojë i sigurt, të dëgjohet, të arsimohet, të zhvillohet dhe të trajtohet me dinjitet e barazi. Këto të drejta nuk janë privilegje, por detyrime që burojnë nga Konventa për të Drejtat e Fëmijës dhe legjislacionit në fuqi.

Në këtë ditë, ftojmë të gjitha institucionet, prindërit, shkollat dhe shoqërinë në tërësi që të vazhdojnë të punojnë së bashku për krijimin e një mjedisi ku zëri i fëmijëve respektohet dhe ku interesat e tyre më të mira vendosen gjithmonë në qendër të vendimmarrjes.

Fëmijët kanë të drejta sot – jo vetëm në të ardhmen.