Prishtinë, 11 dhjetor – Avokati i Popullit z. Hilmi Jashari,  me zëvendësin e tij z. Mehdi Geci, priti  në një takim studentët e masterit të fakultetit juridik të Universitetit të Prishtinës “Hasan Prishtina”.

Ne këtë takim Avokati i Popullit z. Jashari, foli  për rolin dhe mandatin e Avokatit të Popullit, si dhe për respektimin e të drejtave themelore të njeriut në Kosovë.

Studentët shprehën interesim edhe për çështje si respektimi i rekomandimeve që Avokati i Popullit i adreson tek  institucionet,  apo autoritet përgjegjëse.

Po ashtu në këtë takim u diskutua edhe rreth sfidave me të cilat përballet Kosova,  lidhur me çështjet e të drejtave dhe lirive themelore të njeriut.