Avokati i Popullit me 4 dhjetor 2017, mori pjesë në Tryezën e organizuar nga Forumi Kosovar i Aftësisë së Kufizuar, në bashkëpunim më HandiKos, me rastin e Ditës Ndërkombëtare të Personave me Aftësi të Kufizuar (3 Dhjetori).

Shënimi i kësaj dite ka pasur për qëllim të mobilizojë mbështetjen e të gjithëve për të rritur dinjitetin, për të respektuar të drejtat dhe për të siguruar mirëqenien e personave me aftësi të kufizuar.

Avokati i Popullit në përfundim të kësaj ngjarjeje nënshkroi një Memorandum Bashkëpunimi me Forumin Kosovar të Aftësisë së Kufizuar, qëllimi i së cilës është rritja e shkallës së ndërveprimit ndërmjet IAP-së dhe Forumit në fjalë, për një funksionim më të mirë të bashkëpunimit dhe koordinimit të veprimtarive të përbashkëta për mbrojtjen e personave me aftësi të kufizuar në Kosovë.

Bashkëpunimi në drejtim të avancimit, mbrojtjes dhe respektimit të të drejtave të personave me aftësi të kufizuar në Kosovë u vlerësua nga të pranishmit si i nevojshëm dhe i rëndësishëm.