Sot është Dita Ndërkombëtare për Eleminimin e Dhunës ndaj Gruas, e cila shënon edhe fillimin e fushatës së 16 ditëve të aktivizmit kundër dhunës ndaj grave.

Në këtë kuadër, Institucioni i Avokatit të Popullit do të zhvillojë disa aktivitete dhe vizita në disa qendra që ofrojnë strehim dhe mbrojtje viktimave të dhunës në familje, për të tërhequr vëmendjen e institucioneve dhe shoqërisë sonë në përgjithësi, se ne duhet të punojmë bashkë, që të krijojmë një ambient ku dhuna ndaj grave është e papranueshme dhe e patolerueshme.